ৰেংকিঙত অৱনমিত স্মৃতি মান্ধানাৰ স্থান
বিশ্বকাপত ভাৰতৰ জয়ৰ পাছতে স্মৃতি মান্ধনা এটা স্থান অৱনমিত হৈছে । বৰ্তমান স্মৃতি মান্ধানা দ্বিতীয় স্থানত আছে । আনহাতে জেমিমাহ ৰড্ৰিগেছে ৯টা স্থান আগুৱাই দশম স্থান লাভ কৰিছে । দক্ষিণ আফ্ৰিকাৰ অধিনায়ক ল’ৰা উলভাৰ্ডে শেহতীয়া তালিকাত দুটা স্থান আগুৱাই প্ৰথম স্থান লাভ কৰে । ছেমি ফাইনেল আৰু ফাইনেল দুয়োখন মেচতে শতক অৰ্জন কৰা উলভাৰ্ডে স্মৃতি মান্ধানাক অতিক্ৰম কৰে । এই দুটা ইনিংছত ৫৭১ ৰান সংগ্ৰহ কৰি উলভাৰ্ডে প্ৰতিযোগিতাখনৰ একক সংস্কৰণত সৰ্বাধিক ৰান সংগ্ৰহ কৰি কেৰিয়াৰৰ সৰ্বোচ্চ ৰেটিং ৮১৪ লাভ কৰে ।
সমগ্ৰ বিশ্বকাপত শীৰ্ষ স্থানত থকা মান্ধানাক উলভাৰ্ডৰ সৈতে টুৰ্ণামেণ্টৰ সৰ্বশেষ্ঠ দলত অন্তৰ্ভুক্ত কৰা হয় । দেওবাৰে ফাইনেলত দক্ষিণ আফ্ৰিকাক ৫২ ৰানত পৰাস্ত কৰে ভাৰতে । নাৱী মুম্বাইত অনুষ্ঠিত ছেমি ফাইনেলত অষ্ট্ৰেলিয়াৰ বিৰুদ্ধে মেচ বিজয়ী শতকেৰে ২৫ বছৰীয়া ৰড্ৰিগেছে শীৰ্ষ দহৰ ভিতৰত স্থান লাভ কৰাৰ বিপৰীতে একেখন মেচতে ফিবি লিচফিল্ডৰ শতকেৰে তেওঁৰ ১৩ টা স্থান আগুৱাই কেৰিয়াৰৰ সৰ্বশ্ৰেষ্ঠ ১৩ নম্বৰ (৬৩৭)লৈ উন্নীত হয় ।
অষ্ট্ৰেলিয়াৰ এলিছ পেৰীয়ে সপ্তম স্থানলৈ আগুৱাই আহি নিউজীলেণ্ডৰ ছফী ডেভাইনৰ সৈতে এই স্থান ভাগ কৰে, যিয়ে এই ফৰ্মেটৰ পৰা অৱসৰ লোৱাৰ কথা ঘোষণা কৰিছে । ভাৰতৰ অধিনায়ক হৰমনপ্ৰীত কৌৰেও আপডেট কৰা তালিকাত চাৰিটা স্থান আগুৱাই ১৪ নম্বৰ স্থান লাভ কৰে ।
লগতে পঢ়ক : চিনেমা যেন লগা এক কাহিনী… ভাৰতীয় মহিলা দলৰ বিশ্ব জয়ৰ পাছত চৰ্চিত আমোল মজুমদাৰ
