২০২৫ চনৰ ১ অক্টোবৰৰ পূৰ্বে যদি আপোনাৰ পান কাৰ্ড জাৰি কৰা হৈছিল তেন্তে আধাৰ আৰু পেন কাৰ্ড লিংক কৰিব লাগিব । অন্যতা আপুনি সমস্যাত পৰিব পাৰে । জানক কেনেকৈ কৰিব এই কাম…
ই-কে ৱাই চি হওক, লোন লোৱা হওক, বেংকিং হওক বা আন যিকোনো ধৰণৰ কাম হওক, আমাক কিছুমান নিৰ্দিষ্ট নথি-পত্ৰৰ প্ৰয়োজন, ইয়াৰে আটাইতকৈ গুৰুত্বপূৰ্ণ হ’ল আমাৰ আধাৰ কাৰ্ড আৰু পেন কাৰ্ড । দৰাচলতে বহু কামৰ বাবে এই নথি দুখন অপৰিহাৰ্য ।
অৱশ্যে বৰ্তমান প্ৰায় সকলোৰে আধাৰ কাৰ্ড আৰু পেন কাৰ্ড থকাৰ সম্ভাৱনা আছে, কিয়নো এইবোৰ অতি আৱশ্যকীয় নথি । কিন্তু আপুনি জানেনে যে ২০২৫ চনৰ ১ অক্টোবৰৰ পূৰ্বে যদি আপোনাৰ পান কাৰ্ড জাৰি কৰা হৈছিল তেন্তে আধাৰ আৰু পান কাৰ্ড লিংক কৰিব লাগিব । ইয়াৰ অন্তিম তাৰিখ ৩১ ডিচেম্বৰ, ২০২৫ ।এই তাৰিখৰ ভিতৰত আধাৰ কাৰ্ড-পান কাৰ্ড লিংক নকৰিলে আপোনাৰ পেন কাৰ্ড ১ জানুৱাৰী, ২০২৬ৰ পৰা নিষ্ক্ৰিয় হৈ পৰিব পাৰে । গতিকে, আপোনাৰ পেন কাৰ্ডক আধাৰৰ সৈতে কেনেকৈ সংযোগ কৰিব পাৰিব জানি লওক-
আধাৰ আৰু পেন কাৰ্ড কেনেকৈ লিংক কৰিব পাৰিব :
প্ৰথম পৰ্যায়-
-যদি আপুনি আপোনাৰ পেন কাৰ্ড আপোনাৰ আধাৰ কাৰ্ডৰ সৈতে লিংক কৰা নাই তেন্তে এতিয়াই কৰক, কাৰণ শেষ তাৰিখ ৩১ ডিচেম্বৰ, ২০২৫ ।
-ইয়াৰ বাবে আপুনি প্ৰথমে অফিচিয়েল টেক্স ই-ফাইলিং পৰ্টেল, incometax.gov.in চাব লাগিব ।
-আপুনি ইয়াক আপোনাৰ মোবাইল ব্ৰাউজাৰ বা কম্পিউটাৰত খুলিব পাৰে ।
দ্বিতীয় পৰ্যায়-
-আপুনি ৱেবছাইটত কেইবাটাও বিকল্প দেখিব, কিন্তু আপুনি “ক্লিক লিং” অংশলৈ যাব লাগিব । ইয়াতো আপুনি কেইবাটাও বিকল্প দেখিব, গতিকে তললৈ স্ক্ৰল কৰক আৰু “Link Aadhaar” বিকল্পত ক্লিক কৰক ।
-তাৰ পিছত, আপুনি প্ৰথমে আপোনাৰ ১০ অংকৰ পেন কাৰ্ড নম্বৰ দিব লাগিব ।
তৃতীয় পৰ্যায়-
-পান কাৰ্ডৰ পিছত ১২ অংকৰ আধাৰ নম্বৰো দিব লাগিব ।
-তাৰ পিছত, ‘Validate’ বুটামটো ক্লিক কৰক ।
-ইয়াৰ পিছত সম্পূৰ্ণ নাম দিব লাগিব ।
-তাৰ পিছত, আপোনাৰ পঞ্জীয়নভুক্ত মোবাইল নম্বৰলৈ এটা অ’টিপি আহিব ।
চতুৰ্থ পৰ্যায়-
-এতিয়া আপুনি ইয়াত পোৱা OTP টো দিয়ক
-শেষত Submit বুটামত ক্লিক কৰক, তাৰ পিছত কম সময়ৰ ভিতৰতে আপোনাৰ PAN কাৰ্ড আধাৰৰ সৈতে লিংক হৈ যাব ।
-‘Quick Links’ শিতানত গৈ ‘Link Aadhaar Status’ বিকল্পত ক্লিক কৰি ষ্টেটাছ পৰীক্ষা কৰিব পাৰিব ।
লগতে পঢ়ক : প্ৰধানমন্ত্ৰী মোদীক সাক্ষাৎ মাইক্ৰ’ছফ্টৰ অধ্যক্ষ সত্য নাডেলাৰ, ভাৰতত ১৭.৫ বিলিয়ন ডলাৰৰ বিনিয়োগ ঘোষণা
