চিএমঅ’ অসমে মানস ৰাষ্ট্ৰীয় উদ্যানত বিৰল মেলানিষ্টিক ঘোঙৰ এটা ভিদিঅ’শ্বেয়াৰ কৰিছে।
মুখ্যমন্ত্ৰীৰ কাৰ্যালয়, অসমে ৪ জুলাইত এটা বিৰল মেলানিষ্টিক ঘোঙৰ (black panther) দৃশ্য প্ৰদৰ্শন কৰে আৰু এক্সত শ্বেয়াৰ কৰা এটা পোষ্টত ইয়াক “মানসৰ ঘোষ্ট ৰাইডাৰ” (Ghost Rider at Manas) বুলি বৰ্ণনা কৰে।
এই দুৰ্লভ ঘোঙটোৰ আকৰ্ষণীয় দৃশ্যসমূহ শ্বেয়াৰ কৰি মুখ্যমন্ত্ৰীৰ কাৰ্যালয়ে ভাৰতৰ অন্যতম বিখ্যাত বন্যপ্ৰাণী গন্তব্যস্থান মানস ৰাষ্ট্ৰীয় উদ্যানৰ অসাধাৰণ জৈৱ-বৈচিত্ৰ্যক আলোকপাত কৰে। পোষ্টটোত লিখা আছিল, “মানসৰ ঘোষ্ট ৰাইডাৰ!… য’ত দুৰ্লভ মেলানিষ্টিক ঘোঙটোৱে সকলোৰে দৃষ্টি আকৰ্ষণ কৰিছে। বন্য জীৱনৰ এক বিৰল আভাস, যিয়ে আমাক সোঁৱৰাই দিয়ে যে কিয় মানস ভাৰতৰ আটাইতকৈ অসাধাৰণ অৰণ্যসমূহৰ ভিতৰত অন্যতম হৈ আছে।”
মেলানিষ্টিক ঘোঙটোৰ এই বিৰল দৃশ্যই বন্যপ্ৰাণী প্ৰেমী আৰু সংৰক্ষণবাদীসকলৰ মাজত ব্যাপক প্ৰশংসা বুটলিছে। ইয়াৰ অতি দুৰ্লভ প্ৰকৃতিৰ বাবে ইয়াক প্ৰায়ে “অৰণ্যৰ ভূত” (ghost of the forest) বুলিও অভিহিত কৰা হয়।
এই পোষ্টটোৱে মানস ৰাষ্ট্ৰীয় উদ্যানৰ চহকী বন্যপ্ৰাণী ঐতিহ্যক পুনৰবাৰ প্ৰমাণ কৰাৰ লগতে অসমৰ অনন্য জৈৱ-বৈচিত্ৰ্য সংৰক্ষণ আৰু ৰাজ্যখনত পৰিৱেশ-পৰ্যটন বৃদ্ধিৰ ক্ষেত্ৰত থকা প্ৰতিশ্ৰুতিক পুনৰ দৃঢ় কৰি তুলিছে।
লগতে পঢ়ক: অৱশেষত নিয়তিৰ ওচৰত হাৰ মানিলে নলবাৰী কাণ্ডৰ ভুক্তভোগী মৃদুমুদ্ৰাই
