ছুপাৰষ্টাৰ ধনুশ আৰু দক্ষিণৰ পৰা বলীউডত নিজৰ নাম অৰ্জন কৰা বিখ্যাত অভিনেত্ৰী মৃণাল ঠাকুৰক লৈ এক অতি চাঞ্চল্যকৰ খবৰ ওলাইছে। বিগত কিছুদিন ধৰি তেওঁলোকৰ প্ৰেম আৰু ডেটিংৰ উৰাবাতৰিয়ে চৰ্চা লাভ কৰিছিল যদিও এতিয়া তেওঁলোকৰ মাজত বিচ্ছেদ হোৱাৰ খবৰ আহিছে।
ধনুশ আৰু মৃণাল ঠাকুৰক যেতিয়াই একেলগে দেখা গৈছিল, তেতিয়াই চৰ্চা আৰম্ভ হৈছিল। কেতিয়াবা ইজনে সিজনৰ কাষ চপাৰ খবৰে শিৰোনাম দখল কৰিছিল। কিন্তু এতিয়া দুয়োকে লৈ এটা নতুন দাবী পোহৰলৈ আহিছে, যিয়ে অনুৰাগীসকলক আচৰিত কৰি তুলিছে। কোৱা হৈছে যে দুয়োৰে প্ৰেম কাহিনীত যতি পৰিছে। কেইমাহমান ডেটিং কৰাৰ পিছত দুয়োজনে নিজৰ পথ সলনি কৰিছে। অৱশ্যে, এই খবৰ সন্দৰ্ভত ধনুশ বা মৃণাল কাৰোৰে পৰা কোনো প্ৰতিক্ৰিয়া অহা নাই।
এক প্ৰতিবেদন অনুসৰি ধনুশ আৰু মৃণাল ঠাকুৰে তেওঁলোকৰ প্ৰেমৰ সম্পৰ্ক অন্ত পেলাইছে। প্ৰতিবেদনখনত সূত্ৰৰ উদ্ধৃতি দি দাবী কৰা হৈছে যে দুয়ো এতিয়া নিজ নিজ পথত আগবাঢ়িবলৈ সাজু হৈছে। অৱশ্যে, এতিয়ালৈকে ধনুশ বা মৃণাল কাৰোৰে পৰাই এই ব্ৰেকআপৰ সন্দৰ্ভত কোনো প্ৰতিক্ৰিয়া অহা নাই।
ধনুশ আৰু মৃণাল ঠাকুৰৰ এই আকস্মিক ব্ৰেকআপৰ প্ৰকৃত কাৰণ কি, সেয়া এতিয়ালৈকে জানিব পৰা হোৱা নাই। দুয়োগৰাকী তাৰকাই সদায় নিজৰ ব্যক্তিগত জীৱন অতি গোপনীয় কৰি ৰাখিছে, সেয়েহে এই ব্ৰেকআপৰ ওপৰত এতিয়ালৈকে কাৰো কোনো অফিচিয়েল বিবৃতি অহা নাই।
ধনুশ আৰু মৃণাল বিগত কেইমাহমান ধৰি ইজনে সিজনক ডেট কৰি আছিল। ২০২৫ চনৰ আগষ্ট মাহত মৃণাল ঠাকুৰৰ ছবি ‘চন অফ চৰ্দাৰ ২’ৰ প্ৰিমিয়াৰত দুয়োকে একেলগে দেখা পোৱাৰ পিছৰে পৰা তেওঁলোকৰ সম্পৰ্কক লৈ চৰ্চা আৰম্ভ হৈছিল। ইয়াৰ পূৰ্বে মৃণালক ধনুশৰ ছবি ‘তেৰে ইশ্ক মেঁ’ৰ ৰেপ-আপ পাৰ্টিতো দেখা গৈছিল। এই অনুষ্ঠানসমূহত তেওঁলোকৰ উপস্থিতিয়ে অনুৰাগী আৰু ছচিয়েল মিডিয়া ব্যৱহাৰকাৰীৰ মাজত সম্পৰ্কক লৈ জল্পনা-কল্পনা অধিক তীব্ৰতৰ কৰি তুলিছিল।
ইয়াৰ উপৰিও, মৃণালে ধনুশৰ ভগ্নীদ্বয় ড° কাৰ্তিকা কাৰ্তিক আৰু বিমলা গীতাক ইনষ্টাগ্ৰামত ফ’লো কৰাটোও চৰ্চাৰ বিষয় হৈ পৰিছিল। পিছত এটা সূত্ৰই দাবী কৰিছিল ধনুশ আৰু মৃণালে ইজনে সিজনক ডেট কৰি আছে, কিন্তু দুয়োৰে নিজৰ সম্পৰ্কটোক অফিচিয়েল কৰাৰ কোনো পৰিকল্পনা নাছিল।
অৱশ্যে মৃণাল ঠাকুৰে যোৱা বছৰ এই উৰাবাতৰিৰ প্ৰতিক্ৰিয়া প্ৰকাশ কৰি কৈছিল যে ধনুশ তেওঁৰ ‘কেৱল এজন ভাল বন্ধু’। তথাপিও দুয়োৰে সম্পৰ্কক লৈ চৰ্চা চলিয়েই থাকিল। চলিত বৰ্ষৰ ফেব্ৰুৱাৰী মাহত দুয়োৰে বিবাহৰ খবৰো ওলাইছিল। ছচিয়েল মিডিয়াত তেওঁলোকৰ কথিত বিবাহৰ এআই-জেনেৰেটেড ছবি ভাইৰেল হৈছিল, য’ত দুয়োকে পৰম্পৰাগত দক্ষিণ ভাৰতীয় দৰা-কইনাৰ সাজত দেখা গৈছিল। পিছত তেওঁলোকৰ ঘনিষ্ঠ সূত্ৰই বিবাহৰ খবৰ সম্পূৰ্ণ মিছা বুলি অভিহিত কৰে।
ধনুশৰ পূৰ্বতে চুপাৰষ্টাৰ ৰজনীকান্তৰ কন্যা ঐশ্বৰ্য ৰজনীকান্তৰ সৈতে বিবাহ হৈছিল। দুয়ো ১৮ বছৰ ধৰি বিবাহপাশত আবদ্ধ হৈ আছিল, যাৰ পিছত ২০২২ চনত তেওঁলোকে বিচ্ছেদৰ কথা ঘোষণা কৰে। ধনুশ আৰু ঐশ্বৰ্যৰ যাত্ৰা আৰু লিংগা নামৰ দুটি পুত্ৰ সন্তান আছে।
লগতে পঢ়ক: ৫ জুলাইত তৃতীয়বাৰলৈ দৰা হ’ব আমিৰ খান; নিকাহ নহয় কৰিব পঞ্জীয়নভুক্ত বিবাহ
