কমেডিয়ান সুনীল গ্ৰোভাৰৰ এটা ভিডিঅ’ ভাইৰেল হৈছে। য’ত তেওঁক সাধাৰণ মানুহৰ দৰে নদীৰ ঘাটত মাটিত শুই থকা দেখিবলৈ পোৱা গৈছে।
ষ্টাৰ কমেডিয়ান তথা অভিনেতা সুনীল গ্ৰোভাৰে অনুৰাগীৰ হৃদয় জয় কৰাত কোনো ত্ৰুটি ৰখা নাই। তেওঁৰ নম্ৰ স্বভাৱ ৰাইজৰ মাজত অতি জনপ্ৰিয়। সুনীল গ্ৰোভাৰে ইনষ্টাগ্ৰামত এটা নতুন ভিডিঅ’ পোষ্ট কৰিছে, য’ত তেওঁক নদীৰ ঘাটৰ পাৰত মাটিত শুই থকা দেখা গৈছে। তেওঁ নিজৰ তাৰকা সুলভ মৰ্যাদাক লৈ অলপো চিন্তা কৰা নাই।
অভিনেতাগৰাকীয়ে ভিডিঅ’টো ইনষ্টাগ্ৰামত পোষ্ট কৰি লিখিছে— ‘তাৰে জমীন পৰ’ । ইয়াৰ নেপথ্যত মহাকালৰ গীত বাজি আছে। ভাইৰেল ভিডিঅ’টোত ঘাটৰ পাৰত বহু লোক শুই থকা দেখা গৈছে। সাধু-সন্ত সকলো তাতেই শুই আছে। এই মানুহবোৰৰ মাজতে সুনীলেও শুই আছে। অৱশ্যে অভিনেতাগৰাকী কোনটো ঘাটত আছে, সেইটো জানিব পৰা নাই।
মানুহৰ বিশ্বাস যে সুনীল কাশীৰ ঘাটত আছে। ইনষ্টাগ্ৰাম ভিডিঅ’ৰ জৰিয়তে তেওঁ বহুবাৰ নিজৰ আধ্যাত্মিক দিশটো প্ৰদৰ্শন কৰিছে। তেওঁ ভ্ৰমণ কৰি ভাল পায়।
সুনীলৰ এই সৰলতা দেখি মানুহবোৰ আপ্লুত হৈ পৰিছে। তেওঁ মাটিত পাতল কাপোৰ এখন পাৰি লৈছে। কোনো ধৰণৰ বিলাসিতা নোহোৱাকৈয়ে তেওঁ সাধাৰণ মানুহৰ মাজত সময় কটাইছে।
কোটি কোটি টকা উপাৰ্জন কৰা সুনীলে ইণ্টাৰনেটত নিজৰ সৰলতাৰে অনুৰাগীসকলক মোহিত কৰি আহিছে। কেতিয়াবা তেওঁক পাচলি বিক্ৰী কৰা দেখা যায়, তেন্তে কেতিয়াবা আকৌ ৰিক্সা চলাবলৈ আৰম্ভ কৰে।
