প্ৰধানমন্ত্ৰী মোদীৰ পৰা ৰাহুল গান্ধীলৈকে বহু ৰাজনীতিবিদে দেশবাসীক জনালে নতুন বছৰৰ শুভেচ্ছা। অখিলেশ যাদৱে ললে ২০২৬ ৰ নতুন সংকল্প।
২০২৬ চনৰ নতুন বছৰে কঢ়িয়াই আনিছে নতুন উৎসাহ।এই প্ৰাকক্ষণত সকলোৱে নিজৰ আপোনজনক জনাইছে শুভেচ্ছা।ইফালে দেশৰ ৰাজনীতিবিদসকলেও দেশবাসীলৈ নৱবৰ্ষৰ শুভেচ্ছা জনাইছে।
কোনোবাই সকলোৰে মংগল কামনা কৰিছে,কোনোৱে সমৃদ্ধিৰ কথা ক’লে আন কোনোৱে আকৌ নতুন বছৰত নতুন সংকল্প লোৱাৰ কথা কৈছে।
প্ৰধানমন্ত্ৰী নৰেন্দ্ৰ মোদী, ৰাহুল গান্ধী আৰু অখিলেশ যাদৱকে আদি কৰি বহু নেতাই ভাৰতবাসীক জনালে নতুন বছৰৰ শুভেচ্ছা।
প্ৰধানমন্ত্ৰী নৰেন্দ্ৰ মোদীয়ে পোষ্টত লিখিছে, আপোনালোক সকলোকে ২০২৬ বৰ্ষৰ আন্তৰিক শুভেচ্ছা জনাইছো!আগন্তুক বছৰটোৱে আপোনালোকৰ বাবে সুস্বাস্থ্য আৰু সমৃদ্ধি কঢ়িয়াই আনক,আপোনালোকৰ প্ৰচেষ্টাবোৰ সফল হওক আৰু আপোনাৰ সকলো কাম সম্পূৰ্ণ হওক। আমাৰ সমাজত শান্তি আৰু সুখৰ বাবে প্ৰাৰ্থনা কৰিলো’।
বিৰোধী দলৰ নেতা ৰাহুল গান্ধীয়ে পোষ্ট কৰিছে,’আপোনালোক সকলোকে নতুন বছৰৰ শুভেচ্ছা থাকিল।নতুন বছৰে আপোনালোকৰ জীৱনত বহুত সুখ কঢ়িয়াই আনক,সুস্বাস্থ্য আৰু সফলতা কঢ়িয়াই আনক।Wishing everyone a very Happy New Year 2026!’
সমাজবাদী পাৰ্টীৰ নেতা অখিলেশ যাদৱে পোষ্ট কৰিছে,’নতুন বছৰৰ নতুন পুৱা, আশাৰ নতুন আশ্ৰয়,আহক নতুন দিনৰ বাবে নতুন প্ৰতিশ্ৰুতি লওঁ।নতুন সংকল্পইহে নতুন পুৱা আনে।আমি সলনি কৰিলে সকলো সলনি হ’ব! নতুন বৰ্ষৰ শুভেচ্ছা থাকিল!
নতুন বছৰৰ শুভেচ্ছা জনাই প্ৰতিৰক্ষা মন্ত্ৰী ৰাজনাথ সিঙে পোষ্ট কৰিছে, ‘২০২৬ ক স্বাগতম জনোৱাৰ লগতে আশা কৰিছো এইবাৰ ভাৰতৰ সামূহিক সংকল্প আৰু অধিক শক্তিশালী কৰিব আৰু জাতি গঠনৰ প্ৰতি আমাৰ দায়বদ্ধতা নবীকৰণ কৰা।আমাৰ চিৰন্তন সভ্যতামূলক মূল্যবোধৰ দ্বাৰা অনুপ্ৰাণিত হৈ আৰু উদ্ভাৱন, আত্মনিৰ্ভৰশীলতা আৰু ঐক্যৰ মনোভাৱেৰে ৰঞ্জিত হৈ, আহক আমি সকলোৱে মিলি ভাৰতৰ নিৰাপত্তা, সমৃদ্ধি আৰু বিশ্বৰ সুনাম সুদৃঢ় কৰাৰ বাবে কাম কৰোঁ।প্ৰগতি, সম্প্ৰীতি আৰু অদম্য জাতীয় গৌৰৱৰে ভৰা এই বছৰটোৰ বাবে সকলোলৈ আন্তৰিক শুভেচ্ছা।
লগতে পঢ়ক: বিশ্বজুৰি নতুন বছৰক আদৰাৰ উছাহ; কেলেণ্ডাৰৰ পৰা মেলানি মাগিলে ২০২৫ বৰ্ষই……
