পূৰ্বাঞ্চল চিমেণ্ট লিমিটেডৰ উদ্যোগত বিনামূলীয়া স্বাস্থ্য পৰীক্ষা শিবিৰ
গুৱাহাটীঃ কামৰূপৰ মৰাগাদুলা গাঁৱত ২৯ ছেপ্টেম্বৰ, শনিবাৰে এক বিনামূলীয়া চকু আৰু স্বাস্থ্য পৰীক্ষাৰ শিবিৰ অনুষ্ঠিত হয় । পূৰ্বাঞ্চল চিমেণ্ট লিমিটেড (সূৰ্য চিমেণ্ট)ৰ উদ্যোগত মৰাগাদুলা গাঁও উন্নয়ন সমিতিৰ ভৱনত শিল্পী জুবিন গাৰ্গৰ স্মৃতিত অনুষ্ঠিত হয় এই শিবিৰ । পুৱা ৯:৩০ বজাৰ পৰা আৰম্ভ হোৱা এই শিবিৰত যথেষ্ঠ সংখ্যক লোক উপস্থিত থাকে আৰু পূৰ্বাঞ্চল চিমেন্ট লিমিটেডে এই প্ৰভাৱশালী পদক্ষেপৰ বাবে ৰাইজৰ ব্যাপক প্ৰশংসা লাভ কৰে ।
বিশেষ চকু পৰীক্ষা আৰু স্ক্ৰীণিঙৰ বাবে গুৱাহাটীৰ শ্ৰীশংকৰদেৱ নেত্ৰালয় আৰু সাধাৰণ স্বাস্থ্য পৰীক্ষা আৰু সাধাৰণ ৰোগ সম্পৰ্কে সজাগতাৰ বাবে সোণাপুৰ ব্লক পি এইচ চিৰ সহযোগত পূৰ্বাঞ্চল চিমেন্ট লিমিটেডে (Purbanchal Cement Ltd) এই শিবিৰ আয়োজন কৰে । এই শিবিৰত সূৰ্য চিমেণ্ট পৰিয়ালৰ সদস্যকে ধৰি বহু স্থানীয় লোকক সহজ প্ৰতিৰোধমূলক সেৱা প্ৰদান কৰা হয় । সকলোৱে প্ৰতিষ্ঠানটোৱে প্ৰদান কৰা নিৰৱচ্ছিন্ন সেৱা আৰু বিশেষজ্ঞৰ সহায়ৰ শলাগ লয় ।
পূৰ্বাঞ্চল চিমেণ্ট লিমিটেডৰ উপাধ্যক্ষ – প্লাণ্ট আৰু চি এছ আ( CSR )ৰ কমিটীৰ অধ্যক্ষ সুব্ৰত কুমাৰ ধলে কয়, “আমাৰ সোণাপুৰ প্লাণ্টৰ আশে-পাশে থকা লোকসকলৰ পৰা পোৱা উৎসাহী অংশগ্ৰহণ আৰু ইতিবাচক প্ৰতিক্ৰিয়াই তাত থকা লোকসকলৰ স্বাস্থ্য আৰু মংগলৰ প্ৰতি আমাৰ গভীৰ চিন্তা নিশ্চিত কৰে, যাক আমি আমাৰ পৰিয়াল বুলি গণ্য কৰোঁ । এই শিবিৰে তেওঁলোকক পোনপটীয়াকৈ গুণগত চকুৰ যত্ন আৰু প্ৰাথমিক স্বাস্থ্যসেৱা প্ৰদান কৰাৰ বাবে আমাৰ অবিৰত প্ৰতিশ্ৰুতি প্ৰতিফলিত কৰে, দীৰ্ঘম্যাদী স্বাস্থ্যৰ বাবে প্ৰতিৰোধমূলক ব্যৱস্থাক প্ৰসাৰিত কৰা, আৰু আই এছ অ’(ISO) প্ৰমাণিত বহনক্ষম কাৰ্য্যকলাপ আৰু বৃক্ষৰোপণ আৰু পৰিৱেশ সচেতন উৎপাদনৰ দৰে পদক্ষেপৰ জৰিয়তে পৰিৱেশৰ যত্ন লোৱাৰ আমাৰ প্ৰচেষ্টাৰ প্ৰতিশ্ৰুতিক প্ৰতিফলিত কৰে ।”
পূৰ্বাঞ্চল চিমেণ্ট লিমিটেডে চাৰুতাৰী,বৰ্ণিহাট (১৪ মাইল হৈ)কামৰূপ (অসম)ত এক সংহত চিমেণ্ট উৎপাদনৰ সুবিধা চলাই আছে, যিয়ে সমগ্ৰ ভাৰততে আন্তঃগাঁথনি আৰু নিৰ্মাণ প্ৰকল্পৰ বাবে উচ্চমানৰ, কাৰখানাৰ সতেজ সূৰ্য্য চিমেণ্ট (Surya Cement) ব্ৰেণ্ড যোগান ধৰে । ২০ বছৰতকৈও অধিক অভিজ্ঞতাৰ সৈতে কোম্পানীটোৱে উদ্যোগৰ মানদণ্ড অতিক্ৰম কৰি সামঞ্জস্যপূৰ্ণ গুণগত মান, প্ৰতিযোগিতামূলক মূল্য নিৰ্ধাৰণ, চলি থকা অনুসন্ধান আৰু বিকাশ, আৰু উৎসৰ্গীকৃত গ্ৰাহক সমৰ্থনৰ ওপৰত গুৰুত্ব আৰোপ কৰে । যাৰ জড়িয়তে ই উত্তৰ-পূব ভাৰতত এক প্ৰভাৱশালী সুনাম অৰ্জন কৰিবলৈ সক্ষম হৈছে । উল্লেখ্য যে, পূৰ্বাঞ্চল চিমেন্ট লিমিটেডৰ হাতত ISO 9001:2015 আৰু ISO 14001:2015 প্ৰমাণপত্ৰ আছে ।
লগতে পঢ়ক : নতুন শ্ৰম সংহিতা : মহিলাৰ বাবে নাইট শ্বিফ্ট ৰেহাইৰ পৰা ১ বছৰৰ ভিতৰত গ্ৰেচুইটিলৈকে… কি কি ডাঙৰ পৰিৱৰ্তন ?
