বিহাৰৰ ফলাফলৰ পিছত প্ৰধানমন্ত্ৰীৰ বাৰ্তা
বিহাৰ বিধানসভা নিৰ্বাচনত ৰাষ্ট্ৰীয় গণতান্ত্ৰিক মিত্ৰজোঁটৰ বিজয়ৰ পিছত,প্ৰধানমন্ত্ৰী নৰেন্দ্ৰ মোদীয়ে শুকুৰবাৰে এই জনাদেশক জনসমৰ্থক সুশাসনৰ ৰাজনীতিৰ জয় বুলি অভিহিত কৰে।
বিহাৰৰ ফলাফলৰ পিছত দিল্লীৰ বিজেপিৰ মুখ্য কাৰ্যালয়ত এক ধন্যবাদ জ্ঞাপন অনুষ্ঠানত ভাষণ দি,প্ৰধানমন্ত্ৰী মোদীয়ে বিহাৰৰ সফলতাক এতিয়া পশ্চিম বংগলৈ হস্তান্তৰ কৰাৰ প্ৰতিশ্ৰুতি লৈছে,আৰু কয় যে বিজেপিৰ বিজয় পদযাত্ৰাই গংগা নদীৰ সোঁত অনুসৰণ কৰি বিহাৰৰ পৰা বংগলৈ ‘জংগল ৰাজ’ৰ অন্ত পেলাব।
বৃহৎ সংখ্যাগৰিষ্ঠতাৰ সৈতে বিহাৰত এন ডি এ ক্ষমতালৈ ঘূৰি অহাৰ পিছত,প্ৰধানমন্ত্ৰী গৰাকীয়ে প্ৰত্যক্ষভাৱে অহা বছৰ নিৰ্বাচনৰ ৰাজ্যসমূহক লক্ষ্য কৰি লয়।
তেওঁ কয় যে, “গংগা জী বিহাৰৰ পৰা বৈ বংগ পাই।বিহাৰে বংগত বিজেপিৰ জয়ৰ পথ প্ৰশস্ত কৰিছে। মই পশ্চিম বংগৰ ৰাইজক আশ্বস্ত কৰিছো যে আপোনালোকৰ সহযোগত, পশ্চিম বংগৰ পৰাও বিজেপিয়ে ‘জংগল ৰাজ’ উভালি পেলাব।”
ইয়াৰ পূৰ্বে প্ৰধানমন্ত্ৰী মোদীয়ে বিহাৰৰ জনসাধাৰণৰ সৈতে তেওঁৰ সম্পৰ্ক প্ৰদৰ্শন কৰি মিথিলা পেইন্টিং কৰা গামোছা পৰিধান কৰে আৰু “ছঠি মাইয়া কী জয়” শ্লোগানেৰে ভাষণ আৰম্ভ কৰে।
লগতে পঢ়ক: প্ৰাৰম্ভিক পৰ্যায়তেই NDA এ পাৰ কৰিলে মেজিক নম্বৰ; আগবাঢ়িছে ১২২খনতকৈ অধিক আসনত
