ব্ৰিটিছ প্ৰধানমন্ত্ৰী ষ্টাৰমাৰক সাক্ষাৎ মোদীৰ
প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে মুম্বাইত ব্ৰিটিছ প্ৰধানমন্ত্ৰী কেইৰ ষ্টাৰমাৰৰ সৈতে আলোচনাত মিলিত হয় । এই আলোচনাত প্ৰতিৰক্ষা আৰু নিৰাপত্তাৰ লগতে বাণিজ্য আৰু জটিল প্ৰযুক্তিৰ ক্ষেত্ৰত ভাৰত-ব্ৰিটেইনৰ সম্পৰ্ক শক্তিশালী কৰাৰ ওপৰত গুৰুত্ব আৰোপ কৰে দুয়োগৰাকী নেতাই ।
ব্ৰিটিছ শীৰ্ষ নেতাগৰাকীয়ে নিজৰ দেশৰ ১২৫ গৰাকী গুৰুত্বপূৰ্ণ ব্যৱসায়িক নেতা, উদ্যোগী আৰু শিক্ষাবিদৰ প্ৰতিনিধি দলৰ সৈতে বুধবাৰে পুৱা দুদিনীয়া ভ্ৰমণসূচীৰে মুম্বাইত উপস্থিত হয় । ষ্টাৰমাৰৰ ভাৰত ভ্ৰমণৰ প্ৰায় ডেৰ-দুমাহৰ পাছত দুয়োখন দেশে বজাৰৰ প্ৰৱেশ সম্প্ৰসাৰণ আৰু শুল্ক যথেষ্ট হ্ৰাস কৰিব লগতে ২০৩০ চনৰ ভিতৰত দ্বিপাক্ষিক বাণিজ্য দুগুণ হোৱাৰ সম্ভাৱনা আছে ।
ইয়াৰ পূৰ্বে জুলাই মাহত প্ৰধানমন্ত্ৰী মোদীৰ লণ্ডন ভ্ৰমণৰ সময়ত দুয়োখন দেশৰ মাজত বাণিজ্যিক চুক্তি চূড়ান্ত কৰা হৈছিল । ব্ৰিটিছ প্ৰধানমন্ত্ৰী ষ্টাৰমাৰে বুধবাৰে কয় যে এই বাণিজ্য চুক্তিখনে দুয়ো পক্ষৰ বৃদ্ধিৰ বাবে “লঞ্চপেড” হিচাপে কাম কৰে, যাৰ অধীনত ২০২৮ চনৰ ভিতৰত ভাৰত বিশ্বৰ সৰ্ববৃহৎ বিশ্ব অৰ্থনীতি হিচাপে পৰিগণিত হ’ব ।
তেওঁ আৰু কয়, “আমি জুলাই মাহত ভাৰতৰ সৈতে এক বৃহৎ বাণিজ্যিক চুক্তি স্বাক্ষৰ কৰিছিলো – যিটো যিকোনো দেশে কৰিব পৰা আটাইতকৈ নিৰাপদ উপায় – কিন্তু কাহিনী ইয়াতেই শেষ নহয় ।”
এই চুক্তিখনক উন্নয়নৰ বাবে গুৰুত্বপূৰ্ণ বুলি অভিহিত কৰি প্ৰধানমন্ত্ৰী ষ্টাৰমাৰে কয় যে, “এয়া কেৱল কাগজৰ টুকুৰা নহয়, ই বৃদ্ধিৰ বাবে এক লঞ্চপেড । ২০২৮ চনৰ ভিতৰত ভাৰত বিশ্বৰ তৃতীয় বৃহত্তম অৰ্থনীতি হিচাপে পৰিগণিত হ’ব আৰু ইয়াৰ সৈতে বাণিজ্য দ্ৰুত আৰু সস্তা হ’ব, গতিকে আগন্তুক সুযোগসমূহৰ কোনো তুলনা নাই ।”
লগতে পঢ়ক : ভাৰত আৰু অষ্ট্ৰেলিয়াৰ মাজত সাক্ষৰিত হ’ল কেইবাখনো প্ৰতিৰক্ষা চুক্তি
