ভাৰতীয় নৌসেনাই লাভ কৰিলে মেড-ইন-ইণ্ডিয়া থ্ৰীডি চাৰ্ভিলেন্স ৰাডাৰ
টাটা এডভান্সড চিষ্টেমছ লিমিটেডে (টিএএছএল) বৃহস্পতিবাৰে (১১ ছেপ্টেম্বৰ, ২০২৫) স্পেইনৰ কোম্পানী ইন্দ্ৰৰ সৈতে প্ৰযুক্তি হস্তান্তৰৰ জৰিয়তে নিৰ্মিত প্ৰথমখন স্বদেশী 3D-ASR লাঞ্জা-এনক ভাৰতীয় নৌসেনাৰ যুদ্ধজাহাজত অন্তৰ্ভূক্ত কৰে।
TASL এডভান্সড নেভাল থ্ৰীডি এয়াৰ চাৰ্ভিলেন্স ৰাডাৰ নিৰ্মাণ কৰা প্ৰথমটো ভাৰতীয় কোম্পানী হিচাপে পৰিগণিত হৈছে।
এই কৃতিত্বক ভাৰতৰ প্ৰতিৰক্ষা স্বাৱলম্বীতাৰ সন্ধানত এক গুৰুত্বপূৰ্ণ যোগসূত্ৰ হিচাপে বিবেচিত হৈছে।এই ব্যৱস্থাটো স্থানীয়ভাৱে একত্ৰিত আৰু সংহতি কৰা হয়।
ভাৰতীয় নৌসেনাৰ এই যুদ্ধজাহাজখনৰ সকলো ব্যৱস্থাৰ সৈতে চাৰ্ভিলেন্স ৰাডাৰটো নিৰৱচ্ছিন্নভাৱে সংযুক্ত।এই ৰাডাৰটো অন্তৰ্ভুক্ত কৰাৰ পূৰ্বে সাগৰত ব্যাপক পৰীক্ষা-নিৰীক্ষা কৰা হৈছে, য’ত ইয়াৰ সামৰ্থ্যৰ বাবে নৌসেনা আৰু আকাশী প্লেটফৰ্মক ৰাডাৰৰ ক্ৰছ-ছেকচনৰ প্ৰদৰ্শনত পৰিক্ষনৰ বাবে নিয়োগ কৰা হৈছিল।
এই সন্দৰ্ভত টাটা এডভান্সড চিষ্টেমছ লিমিটেডেও এক প্ৰেছ বিজ্ঞপ্তি জাৰি কৰিছে, য’ত কোম্পানীটোৰ মুখ্য কাৰ্যবাহী বিষয়া আৰু পৰিচালন সঞ্চালক, সুকৰ্ণ সিঙে কয়,’ইন্দ্ৰৰ সৈতে আমাৰ সহযোগিতাই ভাৰতত ৰাডাৰ নিৰ্মাণ ক্ষমতা শক্তিশালী কৰাৰ প্ৰতি আমাৰ দায়বদ্ধতাক প্ৰতিফলিত কৰিছে’।
‘স্থলভাগত সমন্বয়,কাৰিকৰী বিশেষজ্ঞতা আৰু শক্তিশালী যোগান শৃংখলৰ জৰিয়তে,আমি উন্নত প্ৰতিৰক্ষা প্ৰযুক্তিৰ বাবে এক শক্তিশালী পৰিৱেশ তন্ত্ৰ সৃষ্টি কৰিছো’।
বিবৃতিটোত কোৱা হৈছে যে টাটা এডভান্সড চিষ্টেমছ লিমিটেড,টাটা গ্ৰুপৰ এটা কোম্পানী আছে যিটো ভাৰতত বিমান আৰু প্ৰতিৰক্ষা সম্পৰ্কীয় প্ৰযুক্তি নিৰ্মাণ কৰে।
এই কোম্পানীটোৱে বিমানৰ ফ্ৰেম,তেওঁলোকৰ ইঞ্জিন আৰু সামৰিক বাহিনীয়ে ব্যৱহাৰ কৰা অন্যান্য ব্যৱস্থা, যেনে-সুৰক্ষা সঁজুলি আৰু বাহন প্ৰস্তুত কৰে।
এই কোম্পানীটোৱে বিশ্বৰ প্ৰধান প্ৰতিৰক্ষা কোম্পানীসমূহৰ সৈতে ঘনিষ্ঠভাৱে কাম কৰে আৰু বহু সময়ত ই তেওঁলোকক প্ৰয়োজনীয় সামগ্ৰী আৰু প্ৰযুক্তি নিজাববীয়াকৈ যোগান ধৰে।
লগতে পঢ়ক: সমগ্ৰ বিশ্বতে চৰ্চা ভাৰতীয় মূলৰ যুৱকৰ; যিয়ে ডিজাইন কৰিছে আটাইতকৈ পাতল iPhone Air
