ISS ত উপস্থিত শুভাংশু শুক্লা
ভাৰতৰ সন্তান শুভাংশু শুক্লাই মহাকাশত ইতিহাস সৃষ্টি কৰিছে। ২৮ ঘণ্টীয়া যাত্ৰাৰ অন্তত বৃহস্পতিবাৰে বিয়লি প্ৰায় ৪ বজাত ভাৰতীয় মহাকাশচাৰী শুভাংশু শুক্লাৰ ড্ৰেগন কেপচুল আন্তৰ্জাতিক মহাকাশ কেন্দ্ৰত উপস্থিত হয়।
শুভাংশু আৰু আন তিনিজন মহাকাশচাৰীৰ এক্সিয়াম-৪ অভিযান কঢ়িয়াই নিয়া স্পেচএক্সৰ ড্ৰেগন মহাকাশযানখনে ২৫ জুন বুধবাৰে ফ্ল’ৰিডাৰ নাছাৰ কেনেডি মহাকাশ কেন্দ্ৰৰ পৰা সফলতাৰে উৰা মাৰিছিল।স্পেচএক্সৰ নিজা ফেলকন ৯ ৰকেটৰ সহায়ত তেওঁক উৎক্ষেপণ কৰা হৈছিল।
ডকিং মানে ড্ৰেগন মহাকাশযানখনে তাত উপস্থিত হোৱাৰ পিছত আন্তঃৰাষ্ট্ৰীয় মহাকাশ কেন্দ্ৰৰ সৈতে সংযোগ স্থাপন কৰা।সমগ্ৰ দেশৰ বাবে এইটো এটা অতি গৌৰৱৰ মুহূৰ্ত।
সমগ্ৰ জাতিটোৱে এই মুহূৰ্তৰ বাবে আগ্ৰহেৰে অপেক্ষা কৰি আছিল। ৪১ বছৰৰ পাছত মহাকাশলৈ যোৱা দ্বিতীয়গৰাকী ভাৰতীয় হ’ল শুভাংশু শুক্লা।তেওঁৰ পূৰ্বে ৰাকেশ শৰ্মাই ভাৰতৰ হৈ প্ৰথমবাৰৰ বাবে মহাকাশত অৱতৰণ কৰিছিল।
ডকিঙৰ সময়ত শুভাংশৰ মাতৃ আৱেগিক হৈ পৰে
ভাৰতীয় মহাকাশচাৰী শুভাংশুৰ মাতৃ আশা শুক্লাই পুত্ৰৰ মহাকাশযানখন আন্তঃৰাষ্ট্ৰীয় মহাকাশ কেন্দ্ৰৰ সৈতে ডক কৰাত অতি আৱেগিক হৈ পৰিছিল।
আৱেগিক হৈ চকুলো মচি থকা দেখা গৈছিল। সঁচাকৈয়ে এয়া এক ঐতিহাসিক মুহূৰ্ত যিয়ে দেশক গৌৰৱান্বিত আৰু আৱেগিক কৰি তোলে।
মিছন ক্ৰুৰ চাৰিওজন সদস্যই আন্তঃৰাষ্ট্ৰীয় মহাকাশ কেন্দ্ৰত প্ৰায় ১৪ দিন থাকিব আৰু এই সময়ছোৱাত তেওঁলোকে ৬০টা পৰীক্ষাও কৰিব।
আন্তঃৰাষ্ট্ৰীয় মহাকাশ কেন্দ্ৰলৈ এক্সিয়াম মহাকাশ অভিযানত বৰ্তমানলৈকে চলোৱা এইটোৱেই হ’ব আটাইতকৈ বিস্তৃত গৱেষণা আৰু বিজ্ঞান সম্পৰ্কীয় কাৰ্য্যকলাপ।
লগতে পঢ়ক: কান্ধত ত্ৰিৰংগা, মুখত শ্বাহৰুখ খানৰ গান; বলীউডৰ গীত শুনি মহাকাশলৈ শুভাংশু শুক্লা
