ছৌদি আৰৱলৈ ভাৰতীয়ৰ যাত্ৰাত নাই কোনো নিষেধাজ্ঞা
হজৰ বাবে ভাৰতীয়ক ছৌদি আৰৱলৈ যোৱাত নিষেধাজ্ঞা আৰোপৰ জল্পনা-কল্পনা নাকচ কৰিছে বৈদেশিক পৰিক্ৰমা মন্ত্ৰালয়ে । সংবাদ মাধ্যমৰ বাতৰি অনুসৰি বৈদেশিক পৰিক্ৰমা মন্ত্ৰালয়ে প্ৰকাশ কৰিছে যে ছৌদি আৰৱলৈ যোৱাত কোনো ভাৰতীয়ৰ ওপৰত কোনো ধৰণৰ নিষেধাজ্ঞা আৰোপ কৰা হোৱা নাই । বৈদেশিক পৰিক্ৰমা মন্ত্ৰালয়ৰ সূত্ৰই প্ৰকাশ কৰা অনুসৰি চৌদি আৰবে এনে কোনো অধিসূচনা জাৰি কৰা নাই । পুৰণি পৰম্পৰা অনুসৰি হজৰ সময়ত অতিমাত্ৰা ভিৰ ৰোধ কৰিবলৈ দেশত হ্ৰস্বম্যাদী ভিছাৰ ওপৰত অস্থায়ী নিষেধাজ্ঞা আৰোপ কৰা হৈছে । হজ সম্পূৰ্ণ হোৱাৰ লগে লগে এইবোৰৰ ম্যাদ উকলি যাব ।
পূৰ্বৰ সংবাদ মাধ্যমৰ বাতৰিত কোৱা হৈছিল যে ছৌদি আৰবে ভাৰতকে ধৰি বহু দেশৰ ব্লক ৱৰ্ক ভিছা সাময়িকভাৱে বন্ধ কৰি দিছে । কোৱা হৈছিল যে এই সিদ্ধান্ত নিৰাপত্তা আৰু প্ৰশাসনিক দৃষ্টিকোণৰ পৰা লোৱা হৈছে । কাৰণ হজ কালত তীৰ্থযাত্ৰী আৰু অনুপ্ৰৱেশৰ নিয়ম মানি চলাত অসুবিধা হয় । অহা ৩০ জুনলৈকে বলবৎ থাকিব এই ভ্ৰমণ নিষেধাজ্ঞা ।
ভাৰতৰ পৰা হজলৈ যোৱা যাত্ৰী ১.৭৫ লাখ-
হজ ২০২৫ৰ বাবে ভাৰতৰ পৰা ১.৭৫ লাখ তীৰ্থযাত্ৰী গৈ আছে । এইবাৰ ভাৰতত ১,৭৫,০২৫ গৰাকী তীৰ্থযাত্ৰীৰ কোটা আবণ্টন দিয়া হৈছে । ইয়াৰ পূৰ্বে ২০২৫ চনৰ ১৩ জানুৱাৰীত জেদ্দাত ভাৰতৰ সংসদীয় পৰিক্ৰমা মন্ত্ৰী কিৰেন ৰিজিজু আৰু চৌদি আৰৱৰ হাজ আৰু উমৰাহ মন্ত্ৰী মহামহিম ড° তৌফিক বিন ফৌজান আল-ৰবিয়াই এই বৃহৎ চুক্তি স্বাক্ষৰ কৰিছিল ।
