তেজস্বী যাদৱৰ বিস্ফোৰক মন্তব্য
বিহাৰ বিধানসভাৰ নিৰ্বাচনী প্ৰচাৰৰ মাজতে দেওবাৰে এক বৃহৎ ৰাজনৈতিক বক্তব্য প্ৰদান কৰে আৰজেডি নেতা তথা গ্ৰেণ্ড এলায়েন্সৰ মুখ্যমন্ত্ৰী পদৰ প্ৰাৰ্থী তেজস্বী যাদৱে।
তেওঁ কয় যে,বিহাৰত সৰ্বভাৰতীয় মিত্ৰজোঁটে চৰকাৰ গঠন কৰা কেন্দ্ৰীয় চৰকাৰে গৃহীত হোৱা ৱাকফ (সংশোধনী) আইনখন ডাষ্টবিনত পেলাই দিয়া হ’ব।
কাটিহাৰ আৰু কিছানগঞ্জৰ মুছলমান প্ৰধান অঞ্চলত ৰাজহুৱা সভাত ভাষণ দি তেজশ্বৱীয়ে কয় যে,‘মোৰ পিতৃ লালু প্ৰসাদ যাদৱে কেতিয়াও সাম্প্ৰদায়িক শক্তিৰ সৈতে আপোচ কৰা নাছিল।
কিন্তু নীতিশ কুমাৰ সদায় এনে শক্তিৰ লগত আছে।তেওঁলোকৰ বাবেই আৰ এছ এছ আৰু ইয়াৰ সংগঠনসমূহে ঘৃণা বিয়পাইছে।বিজেপিক ভাৰত জালাও পাৰ্টি বুলি ক’ব লাগে।”
তেজস্বী যাদৱৰ এই মন্তব্য সেই সময়ত আহিছে যেতিয়া এপ্ৰিল মাহত সংসদে ৱাকফ (সংশোধনী) আইন, ২০২৪ গৃহীত কৰা হৈছিল।
এন ডি এ চৰকাৰে ইয়াক মুছলমান সম্প্ৰদায়ৰ ওপৰত আক্ৰমণ বুলি অভিহিত কৰিছে,পিছপৰা শ্ৰেণী আৰু মহিলাৰ অধিকাৰ সবলীকৰণ কৰা স্বচ্ছ আইন বুলি অভিহিত কৰা হৈছিল।ইফালে বিৰোধীয়ে কয় যে এই আইনখনে মুছলমানসকলৰ ধৰ্মীয় আৰু সম্পত্তিৰ অধিকাৰ খৰ্ব কৰিছে।
মাত্ৰ এদিন পূৰ্বে আৰজেডিৰ এমএলচি মহম্মদ কাৰী ছোহাইবেও বিতৰ্কৰ সৃষ্টি কৰিছিল আৰু কৈছিল যে যদি তেজস্বী মুখ্যমন্ত্ৰী হয় তেন্তে সকলো বিধেয়ক,ৱাকফ বিলকে ধৰি ফালি পেলাই দিয়া হ’ব।
ইয়াৰ পিছতে বিজেপিয়ে প্ৰশ্ন উত্থাপন কৰে যে এজন মুখ্যমন্ত্ৰীয়ে কেনেদৰে কেন্দ্ৰীয় আইনক উলংঘা কৰিব পাৰে।
তেজস্বী যাদৱে ৰেলিটোত কয় যে, “এই নিৰ্বাচনত সংবিধান, গণতন্ত্ৰ আৰু ভাতৃত্ববোধ ৰক্ষাৰ যুঁজ।২০ বছৰ ধৰি নীতিশ কুমাৰক লৈ বিচলিত হৈ পৰিছে ৰাইজ।চৰকাৰৰ প্ৰতিটো বিভাগতে দুৰ্নীতিৰ প্ৰকোপ আৰু আইন-শৃংখলা সম্পূৰ্ণৰূপে ভাঙি গৈছে।”
