পাকিস্তানে কৰিছে পাৰমাণৱিক পৰীক্ষা !
পাকিস্তানক লৈ আমেৰিকাৰ ৰাষ্ট্ৰপতি ড’নাল্ড ট্ৰাম্পে এক বিস্ফোৰক দাবী উত্থাপন কৰিছে । তেওঁ উল্লেখ কৰিছে যে পাকিস্তানে পাৰমাণৱিক পৰীক্ষা চলাইছে । ট্ৰাম্পে উল্লেখ কৰে যে উত্তৰ কোৰিয়াই নিশ্চিতভাৱে পাৰমাণৱিক পৰীক্ষা চলাই আছে আৰু পাকিস্তানেও পাৰমাণৱিক পৰীক্ষা চলাই আছে । মাৰ্কিন ৰাষ্ট্ৰপতিগৰাকীয়ে লগতে কয় যে আমেৰিকায়ো পৰীক্ষণ কৰিব কাৰণ আন দেশসমূহে পাৰমাণৱিক পৰীক্ষণ কৰিছে ।
ট্ৰাম্পে এক সাক্ষাৎকাৰত কয় যে বিশ্বৰ বহু দেশত পাৰমাণৱিক বোমা পৰীক্ষা কৰি আছে, কিন্তু তেওঁলোকে এই বিষয়ে কথা নকয় । এটা সাক্ষাৎকাৰত তেওঁ কয়, “ৰাছিয়া আৰু চীনে পৰীক্ষা কৰি আছে, কিন্তু তেওঁলোকে এই বিষয়ে নকয় । তেওঁলোকে এই বিষয়ে প্ৰকাশ নকৰে । আমি এখন মুকলি সমাজ । আমি বেলেগ । আমি এই বিষয়ে কথা পাতো । আমি এই বিষয়ে কথা ক’ব লাগিব কাৰণ অন্যথা আপোনালোকে কাইলৈ এই বিষয়ে অভিযোগ কৰিব । তেওঁলোকৰ কোনো সাংবাদিক নাই যিয়ে এই বিষয়ে লিখিব ।”
ট্ৰাম্পে আৰু কয় যে আমেৰিকাই এতিয়া পাৰমাণৱিক পৰীক্ষণ কৰিব । উত্তৰ কোৰিয়া আৰু পাকিস্তানেও পাৰমাণৱিক পৰীক্ষণ চলাই থকা বুলি তেওঁ উল্লেখ কৰে । তেওঁ কয়, “আমি পৰীক্ষা কৰিম কাৰণ তেওঁলোকে পৰীক্ষা কৰে আৰু আনেও পৰীক্ষণ কৰে । আৰু নিশ্চিতভাৱে উত্তৰ কোৰিয়াই পৰীক্ষা চলাই আছে । পাকিস্তানেও পাৰমাণৱিক পৰীক্ষণ চলাই আছে ।”
উল্লেখ্য যে পাকিস্তানে ১৯৯৮ চনত আনুষ্ঠানিকভাৱে ঘোষণা কৰিছিল যে তেওঁলোকে পাৰমাণৱিক পৰীক্ষণ কৰিছিল । কিন্তু যদি ৰাষ্ট্ৰপতি ট্ৰাম্পৰ এই দাবী সত্য তেন্তে পাকিস্তানে দীৰ্ঘদিন ধৰি পাৰমাণৱিক পৰীক্ষা চলাই আহিছে । ৰাছিয়া আৰু চীনৰ ক্ষেত্ৰতো এই একেই সন্দেহেই বিৰাজ কৰিছে । ট্ৰাম্পৰ মতে, দুয়োখন দেশে দীৰ্ঘদিন ধৰি পাৰমাণৱিক পৰীক্ষা চলাই আহিছে ।
লগতে পঢ়ক : ড’নাল্ড ট্ৰাম্পৰ ডাঙৰ সিদ্ধান্ত; CPCৰ তালিকাত অন্তৰ্ভূক্ত নাইজেৰিয়া
