দুদিনীয়া ভ্ৰমণসূচীৰে বৃহস্পতিবাৰে নতুন দিল্লীত উপস্থিত হয় ৰাছিয়াৰ ৰাষ্ট্ৰপতি ।ৰাষ্ট্ৰপতি পুটিনক প্ৰধানমন্ত্ৰী মোদীয়ে দিলে বিশেষ উপহাৰ
দুদিনীয়া ভ্ৰমণসূচীৰে বৃহস্পতিবাৰে নতুন দিল্লীত উপস্থিত হয় ৰাছিয়াৰ ৰাষ্ট্ৰপতি ভ্লাদিমিৰ পুটিন।ৰাছিয়াৰ ৰাষ্ট্ৰপতি গৰাকীক পালমা বিমানবন্দৰত প্ৰধানমন্ত্ৰী নৰেন্দ্ৰ মোদীয়ে নিজেই আদৰণি জনায়।
দুয়োজন নেতাই একেখন গাড়ীতে বিমানবন্দৰৰ পৰা ওলাই আহি প্ৰধানমন্ত্ৰীৰ চৰকাৰী বাসগৃহত ৭ লোক কল্যাণ মাৰ্গত উপস্থিত হয়। য’ত দুয়োগৰাকী নেতাই নিশাৰ আহাৰ গ্ৰহণ কৰে।
ইয়াৰ পাছতে প্ৰধানমন্ত্ৰী নৰেন্দ্ৰ মোদীয়ে ৰাছিয়ান ভাষাত লিখা ‘শ্ৰীমদ্ভাগৱদ্গীতা’ উপহাৰ দিয়ে ৰাষ্ট্ৰপতিগৰাকীক। এই সন্দৰ্ভত মোদীয়ে কয় যে, গীতাৰ বাখ্যাই সমগ্ৰ বিশ্বক অনুপ্ৰাণিত কৰে।
সামাজিক মাধ্যমত এই সন্দৰ্ভত মোদীয়ে লিখে যে, “ৰাষ্ট্ৰপতি পুটিনক ৰাছিয়ান ভাষাত শ্ৰীমদভাগৱত গীতাৰ প্ৰতিলিপি উপহাৰ প্ৰদান কৰো। গীতাৰ শিক্ষাই বিশ্বৰ লাখ লাখ লোকক অনুপ্ৰাণিত কৰে।”
ৰাছিয়াৰ ৰাষ্ট্ৰপতি গৰাকীৰ নতুন দিল্লী ভ্ৰমণ এইবাৰ এইকাৰণেই বিশেষ হৈ পৰিছে কাৰণ ভাৰত-আমেৰিকাৰ সম্পৰ্কত অহা উত্তেজনাৰ মাজতে এই ঘটনা সংঘটিত হৈছে।
এই পটভূমিত দুয়োখন দেশৰ মাজত প্ৰতিৰক্ষা,শক্তি, বাণিজ্য আৰু বিনিয়োগকে ধৰি বহু গুৰুত্বপূৰ্ণ চুক্তি স্বাক্ষৰ হোৱাৰ সম্ভাৱনা আছে।
লগতে পঢ়ক: “মোৰ বন্ধু,ভাৰতলৈ স্বাগতম…’;পুটিনক আদৰণি জনোৱাৰ পিছত প্ৰধানমন্ত্ৰীৰ প্ৰথম প্ৰতিক্ৰিয়া
