২২ জানুৱাৰীলৈ উদয় নহয় সূৰ্য
১৮ নৱেম্বৰ, মঙলবাৰে আলাস্কাৰ উটকিয়াগভিক চহৰে শেষবাৰৰ বাবে ২০২৫ চনৰ সূৰ্য্যৰ পোহৰ দেখে । এতিয়া চহৰখনে পোলাৰ নাইটত প্ৰৱেশ কৰিছে, অৰ্থাৎ ৬৫ দিনলৈকে এই চহৰত সূৰ্য্য উদয় নহয় । আমেৰিকাৰ আটাইতকৈ উত্তৰ দিশৰ চহৰ হোৱাৰ বাবে প্ৰতি বছৰে চহৰখন এই পৰিঘটনাৰ সাক্ষী হয় । এতিয়া ২০২৬ চনৰ জানুৱাৰীলৈকে চহৰখনৰ বাসিন্দাই সূৰ্য্য উদয় হোৱালৈ অপেক্ষা কৰিব লাগিব ।
পোলাৰ নাইট কি ?
পোলাৰ নাইট বুলিলে সেই সময়ছোৱাক বুজোৱা হয় যেতিয়া সূৰ্য্য উদয় নহয় আৰু সমগ্ৰ দিন আন্ধাৰে আৱৰি থাকে । উটকিয়াভিক (পূৰ্বতে বেৰ’ নামেৰে জনাজাত) আৰ্কটিক বৃত্তৰ ভিতৰত অৱস্থিত, য’ত পৃথিৱী হেলনীয়া হোৱাৰ বাবে কেইবাদিনো সূৰ্য্য দেখা নাযায় । এইবাৰ ১৮ নৱেম্বৰৰ দুপৰীয়া ১:৩৬ বজাত সূৰ্য্য অস্ত যায় আৰু ২০২৬ চনৰ ২২ জানুৱাৰীত পুনৰ উদয় হ’ব । এই সময়ছোৱা ঠিক ৬৪-৬৫ দিন ধৰি চলিব ।
কিয় হয় এই আন্ধাৰ ?
পৃথিৱীখন নিজৰ অক্ষত ২৩.৫ ডিগ্ৰী হেলনীয়া । শীতকালত উত্তৰ মেৰু সূৰ্য্যৰ পৰা আঁতৰত থাকে, গতিকে আৰ্কটিক অঞ্চলসমূহে সূৰ্য্যৰ পোহৰ লাভ নকৰে । গ্ৰীষ্মকালত ইয়াৰ বিপৰীতহয়- যেতিয়া পোলাৰ ডে হয়, তেতিয়া সূৰ্য্য কেতিয়াও অস্ত নাযায় । উটকিয়াভিকত মে’ মাহৰ পৰা আগষ্টলৈকে ৮০–৮৫ দিন অবিৰত ৰ’দ পৰে । বতৰ বিজ্ঞান কাৰ্যালয়ৰ তথ্য অনুসৰি এই বছৰ ডেইলাইট চেভিং টাইমৰ পিছত এই কথা আৰু অধিক স্পষ্ট হৈ পৰিছে ।
চহৰৰ জীৱনযাত্ৰা কেনেকুৱা ?
উটকিয়াগভিকত প্ৰায় ৪৫০০ লোক বাস কৰে, বেছিভাগেই ইনুইট জনজাতিৰ । আন্ধাৰত তেওঁলোকৰ জীৱন কঠিন হৈ পৰে ।
স্বাস্থ্যৰ ওপৰত প্ৰভাৱঃ আন্ধাৰৰ বাবে মানুহে ভাগৰুৱা, দুখী বা হতাশ অনুভৱ কৰিব পাৰে । ইয়াক ঋতুভিত্তিক আৱেগিক বিকাৰ বুলি কোৱা হয় । মানুহে বিশেষ পোহৰৰ চিকিৎসা প্ৰয়োগ কৰে ।
দৈনন্দিন জীৱনঃ স্কুল, কাম, বাহিৰলৈ যোৱা আদি চলি থাকে, কিন্তু ষ্ট্ৰীট লাইট আৰু ঘৰৰ লাইটৰ পোহৰত । তাপমাত্ৰা -২০ৰ পৰা -৩০ ডিগ্ৰীলৈ নামি যায়, গতিকে মানুহ ঘৰৰ ভিতৰত বেছিকৈ থাকে ।
ইতিবাচক দিশঃ মানুহে পাৰ্টি কৰে আৰু খ্ৰীষ্টমাছ আৰু নৱবৰ্ষ উদযাপন কৰে । আৰ্কটিকত অৰোৰা ব’ৰেলিছৰ দৰ্শন কৰে, যিবোৰ আকাশত ৰঙীন পোহৰৰ দৰে জিলিকি উঠে ।
পৰ্যটনঃ কিছুমান পৰ্যটক এই অনন্য অভিজ্ঞতাৰ বাবে ঠাইখনলৈ যায় ।
ইতিহাস আৰু আকৰ্ষণীয় তথ্য-
উটকিয়াগভিক আমেৰিকাৰ আটাইতকৈ উত্তৰ দিশৰ চহৰ, য’ত বছৰি এই পৰিঘটনা সংঘটিত হয় । পূৰ্বতে ইয়াৰ নাম বেৰো আছিল যদিও ২০১৬ চনত নাম সলনি কৰা হয় । বিজ্ঞানীসকলে ইয়াত আৰ্কটিক গৱেষণা কৰে, যেনে জলবায়ু পৰিৱৰ্তনৰ অধ্যয়ন কৰে । গোলকীয় উষ্ণতা বৃদ্ধিৰ বাবে ইয়াৰ বৰফ গলিছে, যাৰ ফলত পোলাৰ নাইটৰ ওপৰত প্ৰভাৱ পৰিব পাৰে ।
ইয়াৰ পিছত কি হ’ব ?
জানুৱাৰী মাহত সূৰ্য্য উদয়ৰ পিছত পুনৰ পোহৰ দেখা যাব উটকিয়াগভিক । ২০২৬ চনৰ মে’ মাহৰ ভিতৰত পোলাৰ ডে আৰম্ভ হ’ব, তেতিয়া সূৰ্য্য কেতিয়াও অস্ত নাযায় । বিশেষজ্ঞসকলে কয় যে জলবায়ু পৰিৱৰ্তনৰ ফলত ইয়াৰ পৰিৱৰ্তন হ’ব পাৰে, কিন্তু এতিয়াৰ বাবে এইটো এটা প্ৰাকৃতিক চক্ৰ ।
লগতে পঢ়ক : ১০ হাজাৰ বছৰৰ পিছত উদগীৰণ হ’ল এই আগ্নেয়গিৰি; ছাই-ধোঁৱাই ছানি ধৰিছে আকাশ
