বিহাৰত প্ৰধানমন্ত্ৰী মোদীৰ ডাঙৰ মন্তব্য
৪ মাহৰ পিছত বিহাৰত বিধানসভা নিৰ্বাচন। ইয়াৰ পূৰ্বে আজি পুনৰবাৰ বিহাৰ ভ্ৰমণলৈ গৈছে প্ৰধানমন্ত্ৰী নৰেন্দ্ৰ মোদী।
ছিৱানত আয়োজিত জনসভাত ভাষণ দি প্ৰধানমন্ত্ৰী গৰাকীয়ে কয় যে ছিৱান হৈছে সংবিধানক শক্তি প্ৰদান কৰা ভূমি।এই ভূমি স্বাধীনতা সংগ্ৰামৰ ভূমি। প্ৰতিটো ক্ষেত্ৰতে বিহাৰ দ্ৰুতগতিত বিকশিত হৈছে।
প্ৰধানমন্ত্ৰী মোদীয়ে কয় যে, “কালি মাত্ৰ বিদেশ ভ্ৰমণৰ পৰা উভতি আহিলোঁ। বহু সমৃদ্ধিশালী দেশৰ নেতাৰ সৈতে কথা পাতিলোঁ।
ভাৰতৰ দ্ৰুত অগ্ৰগতিৰ বাবে সকলো নেতাই অতিশয় আপ্লুত।সমগ্ৰ বিশ্বই ভাৰতক বিশ্বৰ তৃতীয় বৃহত্তম মহাশক্তি হিচাপে পৰিগণিত হোৱা দেখিছে আৰু ইয়াত বিহাৰে নিশ্চিতভাৱে ডাঙৰ ভূমিকা ল’বলৈ গৈ আছে।
জংঘলত থকা সকলে সুযোগ বিচাৰিছে: প্ৰধানমন্ত্ৰী মোদী
তেওঁ আৰু কয়, ‘জংগলৰাজ বাসীয়ে সুযোগ বিচাৰিছে আৰু সকলো ধৰণৰ কৌশল অৱলম্বন কৰিছে।বিহাৰৰ প্ৰিয় ভাই-ভনীসকল, নিজৰ লগতে সন্তানৰ উজ্জ্বল ভৱিষ্যতৰ বাবে সজাগ হ’ব লাগিব।
যুগ যুগ ধৰি ভাৰতৰ অগ্ৰগতিৰ নেতৃত্ব দিয়া বিহাৰক পাঞ্জা আৰু লালটেনৰ কবলত প্ৰব্ৰজনৰ প্ৰতীক হিচাপে গঢ়ি তুলিছিল।
পাঞ্জা আৰু লালটেন একেলগে থকা মানুহবোৰে বিহাৰৰ আত্মসন্মানক গভীৰভাৱে আঘাত কৰিছে।প্ৰতিটো নিৰ্বাচনতে এই মানুহবোৰ আহি কৈছিল দৰিদ্ৰতা নিৰ্মূল কৰক, দৰিদ্ৰতা নিৰ্মূল কৰক।
কিন্তু আপুনি যিহেতু এন ডি এ চৰকাৰক এটা সুযোগ দিলে, গতিকে স্পষ্ট হৈ পৰিল যে দৰিদ্ৰতাও হ্ৰাস কৰিব পাৰি।দৰিদ্ৰ সীমাৰেখাৰ পৰা ওলাই আহিছে দেশৰ ২৫ কোটি জনসংখ্যা। পৃথিৱীৰ মানুহে এতিয়া আমাক প্ৰশংসা কৰিছে।
প্ৰধানমন্ত্ৰী মোদীয়ে গতালে স্থায়ী ঘৰৰ চাবি
ইয়াৰ পূৰ্বে প্ৰধানমন্ত্ৰী মোদীয়ে বিহাৰৰ জনসাধাৰণক ৫৭৩৬ কোটি টকাৰ ২২খন উন্নয়নমূলক আঁচনিৰ উপহাৰ দিয়ে।প্ৰধানমন্ত্ৰী আৱাস যোজনাৰ অধীনত ৫৩,৬৬৬ গৰাকী হিতাধিকাৰীৰ একাউণ্টলৈ প্ৰথম কিস্তি হিচাপে ৫৩৬ কোটি টকা হস্তান্তৰ।
৬ মাহত চতুৰ্থবাৰৰ বাবে বিহাৰত উপস্থিত
৬ মাহৰ ভিতৰত চতুৰ্থবাৰৰ বাবে প্ৰধানমন্ত্ৰী মোদীয়ে বিহাৰ ভ্ৰমণ কৰিছে আৰু ২০ দিনৰ ভিতৰত এয়া তেওঁৰ দ্বিতীয়টো বিহাৰ ভ্ৰমণ।আজি বিহাৰৰ ছিৱানত এখন ৰাজহুৱা সভাত ভাষণ দি প্ৰধানমন্ত্ৰী মোদীয়ে ১০ হাজাৰ কোটি টকাৰ প্ৰকল্প উন্মোচন কৰে।
লগতে পঢ়ক: ‘নামঘৰ-মন্দিৰৰ ৫ কিঃমিঃ ভিতৰত কুৰবাণী নিষিদ্ধ’; মুখ্যমন্ত্ৰী হিমন্ত বিশ্ব শৰ্মা
