জাভেদ আখটাৰে কেইবা বছৰ ধৰি আদালতত চলি থকা এটা গোচৰত এক গুৰুত্বপূৰ্ণ বিজয় অৰ্জন কৰিছে। কংগনা ৰাণাৱটে জাভেদ আখতাৰৰ সৈতে ৫ বছৰীয়া আইনী যুঁজৰ অন্ত পেলাইছে।
৫ বছৰৰ আইনী যুঁজৰ পিছত, কংগনা ৰাণাৱত আৰু জাভেদে পাৰস্পৰিকভাৱে মোকৰ্দমাটো সমাপ্ত কৰিবলৈ সন্মত হৈছে।
অভিনেত্ৰীগৰাকীয়ে ক্ষমা বিচৰাৰ পিছত, জাভেদ আখটাৰ আৰু কংগনা ৰাণাৱটৰ মাজত এক মীমাংসা হৈছে। কংগনা ৰাণাৱটে চুক্তিখনৰ লিখিত চৰ্তাৱলীত কৈছিল যে, ‘জাভেদ আখটাৰৰ প্ৰতি তেওঁৰ যথেষ্ট সন্মান আছে।’
মোৰ মন্তব্যক লৈ জাভেদ আখটাৰৰ অসুবিধাৰ বাবে মই ক্ষমা বিচাৰোঁ। মই ভৱিষ্যতে তেনে কোনো মন্তব্য নিদিও। মই মোৰ সকলো বিবৃতি প্ৰত্যাহাৰ কৰিছো”।
এটা বিতৰ্কিত মন্তব্যৰ বাবে জাভেদ আখটাৰে ২০২০ চনত কংগনা ৰাণাৱটৰ বিৰুদ্ধে মানহানিৰ গোচৰ ৰুজু কৰিছিল। এই গোচৰটোৰ শুনানি যোৱা ৫ বছৰ ধৰি চলি আছিল।
যোৱা প্ৰায় ৪০টা শুনানিৰ সময়ত, কংগনা ৰাণাৱত আদালতত উপস্থিত নাছিল। কিন্তু জাভেদ আখটাৰ শুনানিৰ সময়ত নিয়মীয়াকৈ উপস্থিত আছিল।
এই মঙলবাৰে অনুষ্ঠিত হোৱা শুনানিৰ সময়ত, কংগনা পুনৰ আদালতত হাজিৰ হোৱা নাছিল, যাৰ পিছত জাভেদ আখটাৰৰ অধিবক্তাই কংগনাৰ বিৰুদ্ধে জামিন অযোগ্য ৱাৰেণ্ট জাৰি কৰাৰ বাবে আবেদন কৰিছিল।এই আপীলৰ পিছত, আদালতে কংগনাক আদালতত হাজিৰ হোৱাৰ শেষ সুযোগ দিছিল।
অৱশেষত কংগনা ৰাণাৱত বান্দ্ৰা আদালতত হাজিৰ হয়। এই সময়ছোৱাত, জাভেদ আখটাৰো আদালতত উপস্থিত আছিল।
কংগনাই মীমাংসাৰ সকলো চৰ্তাৱলী গ্ৰহণ কৰিছিল, যাৰ পিছত দুয়োপক্ষৰ সন্মতিত গোচৰটো নিষ্পত্তি কৰা হৈছিল। বিষয়টো মুঠ চাৰিটা বিষয়ৰ ওপৰত ভিত্তি কৰি সমাধান কৰা হৈছিল।
